Gipfelgeflüster

Unlässlich in internationalen Tog der Muttersprache, welcho von da UNESCO am 21. Februar ausgeruofn wortn isch, schreib i heinte in Dialekt und weil a erscht vor a poor Toge im Fernseh kem isch, dass mir Südtiroler dazuo neign, olba mehra insra sproche zu „verdeutschen“, und desholb insra Muotosproche zi vadreng.

Liaba Leit mocht enk amol konkret Gedonkn drübo, welcha Wörto des vadeitscht: soggas eppa onstott „pfiate“ schun viel öfta „Tschüss“ odo vatauschtas is „hoi“ mitn „hallo“? Mir passierts hot schun atia. Schode, weil inra Sproche hot sovl a haufn luschtiga und kreativa Wörto wia eppa:
Tschurilan = Locken
Traaf = Schmelzwasser
Kleatzl = jemand der langsam tut
zwoi = warum
Pampalan = Schafe

Insra Sproche isch echt net longweilig, im gegentoal schun fellig abenteuerlich isch se, wenn man in die vaschiedn täldo kimp, ändortse sich olleweil und oft vasteaht man die oagn leit im lond net olm gschwinte. Odo wio geats enk Untolandla ba den Text?

Volle zach muiß sein, wenn man die oagne sproche net redn dorf, ins Südtirola ischs aso amol gong und heint zi toge geats in no viel ondra Leit aso. Deswegn: Es lebe der Tag der Muttersprache – und vagesst nio inson schion Dialekt, holtitn guit fescht und gebn weita, damit er net valernt werd!

FREIHEIT FÜR DIE SPRACHEN: Es ist das Recht eines jeden Menschen, sich verständlich auszudrücken und das zu verstehen, was man ihm oder ihr sagt, in der Sprache seines eigenen Volksstammes oder Staates.

Ajo, und wennas no tolla Wörto af Logo hop, losstse ins wissn odo no spaßiga ischs, wennasise ins dorotn lott. Auf geats und lott gion die Goas …

Tags: Dolomiten, Eisacktal, Meran und Umgebung, Südtirols Süden, Tauferer Ahrntal, Vinschgau

Der Beitrag wurde am Donnerstag, den 21. Februar 2008 um 11:08 Uhr veröffentlicht und wurde unter Für zache Hund abgelegt. du kannst die Kommentare zu diesen Eintrag durch den RSS 2.0 Feed verfolgen. du kannst einen Kommentar schreiben, oder einen Trackback auf deiner Seite einrichten.